মুখ্য পৃষ্ঠা
06/04/2518:01
"মোৰ হাত এখন"
উলংগ ৰাতিৰ তমসা ভাঙি ,
দূৰৈত সঘনে বাজে
বাৰুদ আৰু
নিঃকিন মানৱৰ আৰ্তনাদৰ বেসুৰীয়া গান |
প্ৰহৰী হৈ আছে কেইটিমান ভটুৱা কুকুৰ...
চাকি এগচিৰ হালধীয়া পোহৰ লৈ ,
আই পদূলিত ৰৈ আছে |
এতিয়াওঁ বহু দূৰ ঘৰলৈ
আয়ে চৰুত পানী দি
চাউলৰ বাবে অপেক্ষা কৰিছে |
পেটত গামোচা বান্ধি ,
মই লৈ আহিছো
একাঁজলি মহাজনৰ আৰ্শীবাদ |
সন্ত্ৰাসে নুবুজে ভোক
বুকুত বাৰুদৰ আঁচোৰ
আইক কেনেকৈ কওঁ ,
মোৰ হাত এখন আৰু নাই...
চাউলৰ টোপোলাটো ,
তেজেৰে ৰাঙলী হ'ল |
© ৰাজু কলিতা
20/01/15
